Мариналеда, „Скопје“

Сидо често ја играше главната (па и единствена) улога во своите аматерски филмови. Едновремено, благодарение на беспрекорната репутација што ја уживаше меѓу своите поранешни ученици, како и на неговиот култен статус во скопските културно-интелектуални кругови, Сидо повремено беше ангажиран и како актер во неколку драмски претстави, а и филмови од аматерска и професионална природа. Но, колку што засега знаеме, подолу е неговата единствена главна улога во музички спот – и тоа во оној за песната „Скопје“ на македонскиот бенд Мариналеда, составен од Марко Новески (гитара и вокал), Владо Крстевски (тапани) и Благоја Камчевски (бас-гитара). Спотот е во режија и по сценарио на Милан Блажевски и Давид Дољаница, кои се јавуваат и како сет-дизајнери. Кинематограф е Иво Иванов, Максим Патрик е асистент на камера, а монтажер и пост-продуцент Борис Таковски.  Првпат е објавен на YouTube на 14-ти јули 2017-та година, од каде и е линкуван подолу:

Сидо: филм за човек кој живее за филм, испитен филм на Тамара Котевска

Испитен филм по предметот „Филмска и ТВ режија“ на Тамара Котевска, подоцна режисерка на наградуваниот Медена земја, работен под менторство на Антонио Митриќески. За искуството на Тамара при снимањето на краткиот документарец, можете да прочитате повеќе овде.

Сцена од Превртено на Игор Иванов – Изи

Сидо во улогата на Говорникот (од владејачката Партија на националниот дух) во играниот филм Превртено на режисерот Игор Иванов – Изи од 2007 година, со Сања Трајковиќ, Милан Тоциновски, Славиша Кајевски и Јордан Симонов во главните улоги. Во сцената се јавува уште и Лабина Митевска (Жената во бело).

Ќебето на Ацо Шопов на Игор Ивановски – Изи

Сидо во улогата на Докторот во краткометражниот филм од 1996 година Ќебето на Ацо Шопов на Игор Иванов – Изи, снимен во соработка со Драган Абјаниќ, Бранд Феро и македонската хип-хоп формација Чиста Околина.

Back to Top